Pagliliwaliw sa Laguna. :)

Maraming salamat sa mabuting pagtanggap sa amin ni Jeniffer sa iyong kaharian at pagsama sa aming paggala. Sa uulitin. 

Edwin Callueng Buraga--- Diwata ng Cabuyao, Laguna. :D

Nakapunta na rin ako sa bahay ni Rizal! :D 

PARA SA'YO ADRIAN

Pagmasdan mo 

Ang ngiti sa kanyang mga labi

Na sinliwanag ng araw sa katanghaliang tapat

Ngunit parang hanging amihan ng Disyembre ang dulot sa'yo

Pakinggan mo ang mahinhin niyang pagtawa

At hindi mo pagdududahan ang labis niyang saya

Tignan mo 

Hawak na niya ang mga bulaklak

Isa- isa niya pang inamoy

Habang patuloy pa rin siya sa paghagikgik

Sa bawat pilantik ng kanyang pilik- mata

Sa bawat taas ng kanyang hintuturo

Sa bawat paling ng kanyang leeg

Sa kanan man o sa kaliwa

Sa bawat hawi niya ng kanyang buhok

Nakaabang ka

Nakatitig ka pa rin, di natitinag

Sa wakas

Tumingin na siya sa direksyon mo

Kinabahan ka. 

Subalit napako ang kanyang mga mata 

Sa mga punong nasa likuran mo. 

Nagbago ang kanyang itsura

Nawala ang ngiti

Natigilan, bumuntong- hininga. 

Humarap siya sa lalaking kanina pa niya kausap

Hinawakan ang kamay nito

At lumakad silang palayo

Palayo sa'yo. 

Hindi ka ba niya nakitang nakamasid at nagdurusa?

O, hindi mo ba sila nakitang magkasama at masaya?

Siya ba ang walang- puso at walang konsiderasyon?

O, sadyang mapilit ka lang at nabubuhay sa ilusyon?

Maglakad ka rin, bilisan mo

Patungo sa ibang direksyon

Bumagtas ka ng bagong daan

Tumakbo ka rin palayo.

Isipin mong mahabang- mahaba pa

Ang lalakbayin mong landas

At sa tagal noon

Sa haba pa ng mga panahon

Imposibleng wala kang bagong pag- ibig na makakasalubong.

:D

****Sa Valentine's Day Presentation ng Kapuso Mo, Jessica Soho (Feb 2012) ay ipinalabas ang kwento ni Adrian Benipayo. Hindi ko siya kilala. Hehehe. Pero nakakatuwang gawan ng tula ang "pakikipagsapalaran" niya. :)   

Tula para sa Spanish Class Ni Ma'am A. :)

KAUTUSAN

PINAGPALA.

Ang lupaing ito na  puno ng iba’t ibang yaman

Na mula sa pagsikat ng araw sa silangan

Hanggang sa paglubog sa kanluran

Ay kanyang namamasdan.

KAAYA- AYA.

Ang mga karagatang nasa paligid nito

Na may matingkad na asul at kristal na tubig

Na marahang pinakikilos ng hanging amihan

Kaya patuloy ang pagsasayaw ng mga alon

At paghalik sa dalampasigan

MABIYAYA.

Ang mga puno at halaman na ‘yong mamamasdan

Na sa madaling- araw pa lamang ay dinidilig na ng Hamog

Binabantayan ng liwanag ng umaga

At tinatanglawan ng mga bituin at buwan sa gabi.

MATIYAGA.

Ang mga hayop na pagala- gala.

Malayang naglalakbay sa kaparangan at sa mga kagubatan.

Pilit na nakikibaka sa hamon ng kanilang kapaligiran

TAO---

Alam mo bang ikaw ay labis na PINAGPALA?

KAAYA- AYA ang paligid mo

MABIYAYA  ang lahat ng mga yamang likas

Kaya ang dapat mo na lamang gawin ay magsipag at

MAGTIYAGA. 

LEYES

Bendito.
Una tierra llena de diversos recursos
Desde el amanecer hasta el este
Hasta hundirse en el oeste
Es que he aquí.

Placentero.
Las aguas alrededor de él en
Con el agua azul intenso y cristal
Suave brisa que mueve el viento
Así continúa el baile de las olas
Y los besos en la playa

Lleno de gracia.
Los árboles y he aquí las plantas yong
Esa madrugada había regado sólo de Niebla
Supervisado por la luz de la mañana
Y guiados por las estrellas y la luna en la noche.

Los pacientes.
Los animales callejeros.
Independiente por el desierto y los bosques.
Obligados a luchar con los desafíos de su entorno

--- LAS PERSONAS
¿Sabía usted que son muy favorecida!
Agradable a tu alrededor
Gracia de todos los recursos naturales
Por lo que debe hacer es meditar y
Perseverar.

Outing ng Sintang Paaralan

Bilang Isang Teacher

Ayaw kong mapagalitan, masigawan, mapagsabihan at lalong ayaw kong mapahiya sa harap ng maraming tao. Naniniwala ako sa golden rule kaya ayaw ko rin gawin sa iba. 

Pero bilang teacher, minsan kailangan talagang magalit, sumigaw, manermon at kung hinihingi talaga ng pagkakataon, eh "mamahiya" ng estudyante para lang mailagay sila sa dapat nilang kalagyan. 

Nakakalungkot, pero di ko naman pinagsisisihan. Nakakalungkot lang. :l

Batang Public School

Naniniwala ako sa galing ng batang public school! :D
Yeah! 

Polytechnic University of the Philippines 

Jose P. Laurel Sr. High School 

Pura V. Kalaw Elementary School 

Makinig, Makinig.

Pakinggan mo siya, 'yun ang dapat. 
Pero siguraduhin mo na bago matapos ang pag- uusap n'yo eh narinig at naintindihan din niya ang lahat ng gusto mong sabihin. 

***Dapat patas lang. :)

With Jack. :D

Bonding with 2 of my most trusted friends from college! :) Thanks, Ate Izza and Kuya RR! :) Sa uulitin. Dapat soon ha! — with Romano Borja Redublo and Izza Andaya Sarmiento.
- Jerald Javier

HINDI NA KAYA PANG ITAGO NG RETORIKA

Matagal ko itong pinag- isipan

Gaya ng matagal kong paghihintay sa'yo. 

Masugid akong nag- abang sa pagsilip ng bahaghari

Subalit hindi pa yata nalalapit ang pagtila ng ulan. 

Bagaman dinilig nito ang uhaw at tigang na lupa

Kasabay naman ng bawat patak 

Ang pagdaloy ng aking luha.

Kinukubli, tinatago lamang. 

Paulit- ulit kong sinabi sa aking sarili na ikaw ang dapat

Na ito ang tama

Ngunit naging mas marami ang mga panahong

Malungkot ako sa piling mo.

Ni hindi mo napansing naramdaman kong mag- isa ako

Kahit na magkasama tayo.

Matiyaga akong nakinig

Maniwala ka

Pinilit kong kumapit pa

Sa pagmamahal, sa pagtitiwala.

Pero hindi ko na yata kaya.

Noon, naniniwala akong ang pag- big ko sa'yo

ang nagbigay direksyon sa buhay ko

Pero ngayon, hindi na ako sigurado kung ito ba talaga ang tamang daan. 

Dahil palagi akong naliligaw

Ilang beses akong nawala sa aking sarili. 

Mahal, sikapin mong maging higit na mabuting tao

Marahil minsa'y nalilimutan mo lamang na mabait ka. 

Ipinapaalala ko lamang na hindi laging maayos

Ang hilera ng mga bituin sa langit

Mas madalas pa ngang magulo ito

Maraming mga pagkakataon pang susubukin ka ng tadhana

Kayanin mo sanang lahat.

Habaan mo pa ang iyong pasensiya

Maniwala kang pinagpapala ang taong may mababang- loob.

Hindi na kailangan pa ng mga malalalim na salita

Walang magagawa ang mga alusyon, tayutay at idyoma

Hindi na kaya pang itago ng retorika.

Napakasimple.

Magiging maayos ako

Magiging maayos ka.

Hindi na tayo magkakaproblema

Ang kailangan lamang...

Hindi na tayo magsama pa.  

Summer, Summer Everywhere

Dito sa Pinas may 365 and 1/4 days na summer!