Pumili ka ng trabahong tutugon sa iyong hilig upang higit kang pakinabangan ng iyong bayan.
- Gregoria de Jesus

Sunday, September 30, 2012

Sabihin mo Lang



Ang gusto mo ba ‘yung mukhang artista?
‘Yung maganda ang katawan, matangkad at maporma?
‘Yung sa bawat paglakad maraming matang sumusunod?
Paniwalaan mo ko, mahihirapan ka.
Baka magkaroon ka pa ng maraming kaagaw
Kung mayroon mang ganoong lalaki, 
Pipila ka pa nang mahaba.
Pare- pareho lang naman, di ba?
Kasi lahat ng tao talagang “may itsura”.
Kaya ko rin namang maligo, magpagupit at mag- ahit.
Sabihin mo lang, sabihin mo lang.



Matalino ba kamo ang hanap mo?
‘Yung tipong kumakain ng libro 
Sa umaga, tanghali at sa gabi.
‘Yung parang  laging makikipagdebate.
Na ang akala niya kaya niyang 

Paikutin ang mundo sa mga palad niya.
Na para bang siya lang ang sentro, 
Ang alpha at ang omega.
Baka hindi kayo maging masaya.
Hindi ‘yun magpapatalo sa mga argumento.
Baka maramdaman mo lang 
Na mababang uring nilalang ka.
Sapat na ‘yung may sapat na dunong
Mas maigi rin kung magaling dumiskarte
Pero kakayanin ko rin namang mag- aral ulit
Sabihin mo lang, sabihin mo lang.



Mabait ba dapat?
Palangiti, palabati at masayahin.
Kasi nga ayaw mong lagi kayong mag-aaway.
Hindi ka sanay sa hiyawan at sigawan.
Naririndi ka sa masyadong maraming usapan.
Pero hindi ka naman siguro 
Naghahanap ng anghel o ng santo,  di ba?
At wala ka rin naman sigurong balak magmahal ng pari?
May sasabihin ako sa’yo,
Hindi rin maganda ‘yung sobrang matino.
Kasama sa buhay ang kaunting pagkakamali
Bahagi  ng bawat tao ang kanyang kapintasan.
Mas mainam kung sa bawat pagtatalong mangyayari, mapapatawad n’yo ang isa’t isa
Dahil may pagmamahal, pang- unawa at pagtanggap na.
Nakakainip din ang labis na katahimikan
Minsan kailangan talaga ng kahit kaunting gulo
At may mga pagkakamaling madadaan sa pagtawa.
Pero...kaya ko namang ayusin ang ugali ko.
Sasamahan din kita laging magsimba.
Sabihin mo lang ha, sabihin mo lang.



Walang problema sa paghihintay
Sa’yo, sa desisyon mo.
Hindi naman masama ang mag- abang pansamantala.
Hindi rin kita pwedeng sisihin
Ako naman ang pumili nito
Kahit hindi ko pinangarap maging gwardiya at magbantay
Hindi ako nagrereklamo
Pero sana hindi rin ganoon katagal
At  huwag sanang maging magulo at malabo
Alam nating nakakatuwa ang maghabulan
Pero huwag naman nating gawin ‘ to sa maghapon
Magsabi ka ha
Kung itutuloy pa o titigil na.
Mahirap din ‘yung panay iling, tango at ngiti ka lang.
Kung ayawan na, ihihinto natin ang larong ito.
Basta sabihin mo lang, sabihin mo lang.


 





Ano ba Talaga?

Isa sa mga hiwaga ng mundo at ng 


universe: 

Kapag "nagbigay agad ng kahulugan" 



= malandi at masyadong assuming;


Kapag naman "naghintay muna" = 


pakipot at sobrang pa- virgin.

***wala man lang middle ground o 



kahit gray area. 



*** :D

Hindi Lahat

Hindi lahat ng bagay na 

naiintindihan mo ay tama at di 

lahat ng bagay na di mo 

naiintindihan ay mali. 

*** :D


Friday, September 21, 2012

Timing is Everything


Gahibla lang ang pagitan ng swerte at malas; ayaw ko sanang maniwala sa dalawang ito. Pwede kasing mangyari na ang swerte mo ay ang kamalasan ng iba o vice versa. 


***Mas naniniwala pa rin ako sa idea na nagiging ok ang lahat hindi dahil sa swerte---perfect timing, perfect timing lang. :D



Tuesday, September 18, 2012

Forgive and Forgive




Magalait ka nang magalit 

(karapatan mo 'yun lalo na kung nakakairita talaga ang tao o sitwasyon) 
pero magpatawad ka rin nang magpatawad 
(kahit na mahirap na gawin at masakit sa damdamin). 

***Pambawas stress. :D lagi.


Sunday, September 16, 2012

Law of Recency sa Love

Sa Psychology, may tinatawag tayong Law of Recency; ayon dito mas naaalala raw ng tao 'yung mga pinakahuling bagay na napakinggan, natutunan at ginawa niya. Parang sa Last Song Syndrome (LSS) na inuulit- ulit mo 'yung huling kantang narinig mo. 

Eh bakit sa love, may mga taong may "present' na at lagi niyang kasama pero paulit- ulit pa ring ginugulo ang isip niya nung mga memories nung "past". Nagiging mahirap tuloy ang pagmu- move- on. Parang nagiging unfair pa kasi kahit hindi sinasadya eh napagkukumpara 'yung dalawa. 


*** :D lang.

Saturday, September 15, 2012

Ayoko ng Larong Pass the Message


Ang tubig na maraming tubong 

dinadaluyan, mas malaki ang tsansang 


lumabo;


Ang hangin na malayo ang pinagmulan, 

mas maraming daraanang harang; 


Ang mensaheng di sinasabi nang direkta 

o tuwiran sa taong dapat patunguhan, 


mas lalong gumugulo. 




***Kausapin ang taong taong dapat 

kausapin. Huwag ng palakihin ang 


"isyu" sa pamamagitan ng paghingi ng 

opinyon ng kung sino- sino. 


***Matalino ang nagtatanong at 

matapat ang taong nagsasabi ng 


katotohanan. 


***'Wag matakot, walang di nakukuha 

sa diplomasya. :D




Wednesday, September 12, 2012

Hindi Lahat :D

Maraming tao ang maalam, magaling 


at matalino---pero iilan lang ang 


may kakayahang magturo. 



Ibang usapan 'yun. 





*** :D lagi.


Sunday, September 9, 2012

Bashful

Ang maganda sa mga 'Kano at siguro 

sa iba pang mga lahi na nag- 

uumapaw ang "self- confidence", 

hindi sila nahihiya na sabihin ang 

kung anomang gusto nila. 

Ang mga Pinoy laging nahihiya. 

Ang ikinahihiya lang dapat 'yung 

mga gawaing 

masama. 

*** :D


Thursday, September 6, 2012

Hindi Dapat Basta Ganun Lang


Humanap ka ng taong ang isasagot sa'yo 

kapag nagsabi ka sa kanya ng "I LOVE 


YOU", eh "I LOVE YOU TOO".


Hindi 'yung ngingitian ka lang at sasabihan 

ka ng "THANK YOU". 


*** :D



Saturday, September 1, 2012

Lyn's Random Thoughts

***Ukol sa "paghahanap" ng magiging BF/GF: 

"You don't have to look for love, just be more visible." 

Amleth Lyn Bumanglag-Guerrero